Fuq tal-linja: Tipjip Universitarju

Tipjip Universitarju
Darba kont fuq is-667 sejjer l-Università, u kull ma konna jien u x-xufier. Għaddejjin mix-xatt ta’ Tas-Sliema qed noqorbu lejn il-Gżira, ix-xufier dar lejja u qalli: Issa nwaqqaf u inżel waħda ixtrili pakkett Royals…?

Għedtlu Ok… imma għalfejn ma tixtrihx xħin naslu l-Università?

U għal dan weġibni mnixxef: Eee… mela l-u’versità jpejjpu!?

Għedtlu Kif ma jpejjpux?

Qalli Eqq… jien ħsibt li peress li l-u’versità professuri w x’naf jien, allura ma jallowdjawhx it-tipjip!.

Ħeħe! Il-Gżira tani l-flus, waqqaf it-trakk f’nofs ta’ triq, nżilt nixtrilu r-Royals mill-gabbana, u erġajt tlajt.
- ix-xufier
- jien
- l-università
- № 667
- sigarretti
Miktub u ppubblikat minn dwardu Thursday, November 15, 2007.

Ħadd ma kkummenta s’issa.

Liċenzja

Tista’ tikkwota r-rakkonti f’dis-serje “Fuq tal-linja” kemm trid, basta tagħti l-mertu ’l min qagħad jiktibhom, jiġifieri lili, Edward Grech, u li ma taqlax flus fil-proċess. Jekk tiġi f’xi dubju, iktibli. Grazzi.

Ir-ritratti li ġieli nuża f’dal-blogg biex nillustra l-istejjer huma riprodotti bil-kunsens ta’ min ġibidhom, u huma lliċenzjati lilhom.

Id-diżinn grafiku ta’ dal-blogg ibbażajtu fuq tqasqis minn sett ta’ ritratti miġbudin minn ċertu Eirik Newth, li ġentilment għoġbu jaqsamhom ma’ kulħadd permezz ta’ liċenzja Creative Commons.