Fuq tal-linja: Kollaborazzjoni akkademika

Kollaborazzjoni akkademika
Darba, jien u nistenna biex ninżel minn fuq tal-linja, bilwieqfa ikkrepat, b’wiċċi mkaħħal mas-saqaf tal-faux-injam intbaħt li miegħu xi ħadd kien ħalla mħażża… bit-Tipp-Ex… espressjoni matematika!… … jew għall-inqas, ħa, il-bidu ta’ waħda, għax għal xi raġuni (li niddubita qattx se nsiru nafuha) kien imbagħad telaqha nofs leħja.

Għalhekk, f’ġieħ l-inizjattiva tassew nobbli li kien intraprenda dal-matematiku anonimu fl-interess edukattiv tal-Ġens, ħadtha miegħi id-dar, u lestejtha.

—
Aġġornament (2009-09-01): Fuq pullman minn Girona sa Barcelona ma’ dahar il-bank ta’ quddiemi kien hemm e^x kbira bil-ġemmarker iswed; naħlef! X’qed jipprova jgħidli l-Univers?
- jien
- putirjal
Miktub u ppubblikat minn dwardu Thursday, April 10, 2008.

Tħallew 8 kummenti.

Liċenzja

Tista’ tikkwota r-rakkonti f’dis-serje “Fuq tal-linja” kemm trid, basta tagħti l-mertu ’l min qagħad jiktibhom, jiġifieri lili, Edward Grech, u li ma taqlax flus fil-proċess. Jekk tiġi f’xi dubju, iktibli. Grazzi.

Ir-ritratti li ġieli nuża f’dal-blogg biex nillustra l-istejjer huma riprodotti bil-kunsens ta’ min ġibidhom, u huma lliċenzjati lilhom.

Id-diżinn grafiku ta’ dal-blogg ibbażajtu fuq tqasqis minn sett ta’ ritratti miġbudin minn ċertu Eirik Newth, li ġentilment għoġbu jaqsamhom ma’ kulħadd permezz ta’ liċenzja Creative Commons.